ХӨСҮТ-ийн хоёр болон Дархан-Уул, Зонозын өвчин судлалын лабораторт нийт 1643 хүнд шинжилгээ хийсэн байна. Үүнээс 20 хүнд коронавирус илэрчээ.

 

Улаанбаатар хотод бүртгэгдсэн голомт нийт 15 тохиолдол болсон байна. Сэлэнгэ аймаг ХӨСҮТ-ийн шуурхай баг ажиллаж байгаа бөгөөд шинээр зургаан хүнд илэрсэн байна. Мөн төмөр зам дагуу харьяа газарт шинжилгээ хийж, Говьсүмбэр аймагт нэг хүнд вирус илэрчээ. Дотооддоо халдвар алдсан тохиолдол 30 боллоо. Монгол Улсад коронавирусийн батлагдсан тохиолдол 455, эрдгэрсэн 329, ажиглалтад 17, гэрийн ажиглалтад хоёр хүн байна. ХӨСҮт-эд 119 хүн эмчлүүлж байна. Биеийн байдал хүнд гурав хүндэвтэр 23, хөнгөн 94 хүн байгаа аж.

Энэ үеэр ОБЕГ-ын дэд дарга Б.Ууганбаяр мэдээлэл өглөө. Тэрбээр “Гэрийн ажилалтад шилжсэн иргэд 14 хоногийн тусгаарлалтаа сайн сахих хэрэгтэй шүү. Өчигдөр Цэргийн төв эмнэлэгт тусаарлагдаж байгаа бяцхан хүүхэд өлсөж байна гэх бичлэг цахим орчинд түгсэн. Үүнийг тодруулж, тус эмнэлгийн хоолны цэсийг шалгасан. Тусгаарлагдсан иргэдэд дөрвөн удаа хоол өгч байгаа гэсэн. Мөн хүүхдэд зориулсан тусгай цэс гаргасан байна лээ. Олон нийтийн сүлжээнд буруу мэдээлэл түгээхийг хатуу хориглож байна" гэлээ.

Сэтгүүлчид цахим хэлбэрээр асуултаа явуулж байгааг онцолж асуултад хариуллаа.

-Коронавирусийг эмчлэх ямар туршлага байна вэ?

-Бид шинэ Зиланд Улсын туршлагыг хэрэглэж байгаа. Үүнд хавьтлыг илрүүлэх, батлагдсан тохиолдлыг тусгаарлах, бүх нийтээрээ амны хаалт зүүхийг анхруулж байгаа. Мөн хатуу хөл хориог дагах.

-Түргэвчилсэн оношлуураар уушгины бронхиттой хүн эерэг гарах уу?

-Түргэвчилсэн оношлуур нь коронавирус илрүүлэх зориулалттай. Гэхдээ 100 хувь үнэн гэж гарахгүй.