Цар тахлын үед авч хэрэгжүүлэх хариу арга хэмжээний төлөвлөгөөг хэрэгжүүлэн ажиллах, мэргэжлийн байгууллагуудын уялдаа холбоог сайжруулах, нэгдсэн зохион байгуулалтаар хангах зорилгоор УОК-ын даргын шийдвэрээр “Коронавируст халдвар, цар тахлын үед гамшгаас хамгаалах эрүүл мэндийн улсын албаны шуурхай штаб”-ыг шинэчлэн байгуулж, ажиллах журмыг баталлаа.

Тус шийдвэрийн дагуу УОК-ын шуурхай штабыг цар тахлын үед гамшгаас хамгаалах эрүүл мэндийн улсын албаны шуурхай штабын зохион байгуулалтад шилжүүлсэн бөгөөд штаб Эрүүл мэндийн яамны байранд шилжин байрлалаа

Коронавируст цар тахлын үед гамшгаас хамгаалах эрүүл мэндийн улсын албаны шуурхай штабыг  Гамшгаас хамгаалах Эрүүл  мэндийн улсын албаны дарга, ЭМ-ийн сайд Т.Мөнхсайхан, УОК-ын Шуурхай штабын дарга, хурандаа Б.Ууганбаяр нар ахлан ажиллаж, 20 гаруй яам, агентлаг, салбар, салбарын мэргэжилтнүүдээс бүрдсэн 50 гаруй хүнтэй шуурхай штабын баг 24 цагаар ажиллаж байна.Тус штабаас гаргасан шийдвэрийг төрийн байгууллага, гамшгаас хамгаалах улсын албад, аж ахуйн нэгж, байгууллага, иргэд даган мөрдөнө гэж Онцгой байдлын ерөнхий газраас мэдээллээ.