Хүнсний зах, дэлгүүрүүдийн ажиллах цагийн хуваарыг өөрчилж, хаах цагийг нэг цагаар наашлуулж, 21:00 цаг болгожээ. Энэ тухай Улаанбаатар хотын Ерөнхий менежер Т.Гантөмөр “Улаанбаатар хотын хэмжээнд 68 хүнсний дэлгүүр, ТҮЦ ажиллаж байна. Үүний 48 нь нь томоохон хэмжээний хүнсний зах юм. Харин 3761 хүнсний супер маркет, Хайпер маркет, Мини маркет зэрэг томоохон сүлжээ дэлгүүр байна. Анх Улсын Онцгой Комиссын шийдвэрээр хүнсний зах, дэлгүүрүүдийг 07:00:22:00 цаг хүртэл ажиллуулахаар шийдвэрлэсэн бол өчигдрөөс 07:00-21:00 цаг хүртэл ажиллуулахаар багасгасан. Иргэд хүнсний хүрэлцээ нөөцөд санаа зовох хэрэггүй. Дэлгүүрүүдэд бараа бүтээгдэхүүний хүргэлт үйлчилгээ хэвийн хүртээмжтэй байгаа” гэлээ.