Коронавирусийн халдвар илэрсэн жолооч Д-гийн ойрын хавьтал болох 24 хүний шинжилгээний хариу гарч, түүний хадам ээж, дүү хоёр халдвар авсан болох нь батлагдсан. Эдгээр иргэний ойрын хавьтлыг олж, тогтоохоор холбогдох албаныхан ажиллаж байгаа. Тэгвэл баттай эх сурвалжийн мэдээлснээр жолооч Д-гийн дүү Х.Э МУБИС-ийн Математик, байгалийн ухааны сургуулийн Математикийн багшийн ангийн хоёрдугаар дамжаанд суралцдаг аж.

МУБИС-ийн Математик, байгалийн ухааны сургууль нь нийт 3800 гаруй оюутан, суралцагч, 70 гаруй багш, профессор болон мэргэжлийн зургаан гол тэнхимтэйгээр үйл ажиллагаагаа явуулдаг

Түүнчлэн нэгдүгээр хавьтлын халдвар авсан оюутан арваннэгдүгээр сарын 7-8-ны хооронд МУБИС-ийн төв байранд 1-2 дугаар дамжааны оюутнуудын дунд зохион байгуулагдсан Элсэгчдийн аварга шалгаруулах сагсан болон гар бөмбөгийн тэмцээнд оролцсон буюу үзэхээр очсон гэх мэдээлэл байгаа юм.

 Иймд оюутан, суралцагч олноор цугласан газар явсан учир ойрын хавьтлыг яаралтай тодруулахаар УОК ажиллаж байна.