ХӨСҮТ-ийн сувилагчтай хамт ажилласан нэг хүний давтан шинжилгээнээс коронавирус илэрлээ

Б. Бадралмаа:
Монголчуудын амьдрал- Мэдээ мэдээлэл

2020-11-11, 525

Эрүүл мэндийн яамнаас цаг үеийн асуудлаар мэдээлэл хийлээ.

ХӨСҮТ-ийн захирал Д.Нямхүү “2020 оны арваннэгдүгээр сарын 9, 10-нд хийсэн вирус судлалын лабораториудад нийт 993 хүний сорьцод шинжилгээ хийхэд 14 хүний сорьцоос вирус илэрлээ.

Тодруулбал, арваннэгдүгээр сарын 9-нд Алтанбулаг боомтоор орж ирсэн хоёр жолоочоос коронавирус илэрсэн. Энэ хоёр жолооч хоёулаа гаднын улсын иргэн. Мөн 2020 оны арваннэгдүгээр сарын 8-нд Алматы- Улаанбаатар чиглэлийн онгоцоор ирсэн хоёр хүнээс коронавирус ирсэн. Мөн аравдугаар сарын 19-нд Сөүл-Улаанбаатар чиглэлийн онгоцоор ирсэн хоёр хүн, аравдугаар сарын 20-нд тус чиглэлийн онгоцоор ирсэн дөрвөн хүний давтан шинжилгээгээр коронавирус илэрсэн.

Аравдугаар сарын 20-нд Энэтхэг-Улаанбаатар чиглэлийн онгоцоор ирсэн нэг хүнээс коронавирус илэрсэн. Мөн ХӨСҮТ-ийн сувилагчтай хамт ажиллаж байсан нэг хүний давтан шинжилгээгээр коронавирус илэрлээ. Нөхцөл байдал хүнд байна. ОХУ-д өвчлөл их байгааг анхаарах хэрэгтэй” гэв.

ХӨСҮТ-ийн сувилагчтай хамт ажилласан нэг хүний давтан шинжилгээнээс коронавирус илэрлээ