Коронавирусийн халдвар авсан ачаа тээврийн жолооч 29 настай иргэн Б.Д-ны нийслэл хот дотор явсан замын маршрутыг аман байдлаар авчээ.

Арваннэгдүгээр сарын 06-ны өдөр

 

Энхсаран сувилалын 104 тоот өрөөнд байсан Б-гийн хамт гарсан бөгөөд тэр жолоочтой жижиг машин дуудаж, тэндээс нисэх хүртэл хамт яваад буужээ. Тэндээс Нисэх-Таван шар чиглэлийн автобусанд сууж, таван шар дээр буусан. Тэндээсээ III, IV хороолол хүртэл автобусаар яваад Тоосгоны үйлдвэрийн автобусанд дамжиж суугаад гэртээ ирсэн.

 

Арваннэгдүгээр сарын 07-ны өдөр

 

Гэрээсээ гараагүй. 

 

Арваннэгдүгээр сарын 08-ны өдөр

 

“Төв азийн зам” компанийн захирал н.Г дарга чиргүүлж зарж байгаа хүн явуулж, түүний жижиг машинаар Амгалан орсон. Амгаланд байх “Монгол дээж”компанийн хашаанд байсан чиргүүлийг даргатай хамт үзсэн. Тэндээс даргатай хамт жижиг машинтай 22-н товчооны Сансар худалдааны төвийн эсрэг талд байх том хашаанд албаны машинууд дээр очиж, нэг том машин унаад Амгаланд эргэж очиж, худалдаж авсан чиргүүлээ аваад 22-н товчооны хашаанд очсон. Буцахдаа такси бариад Улаанбаатар паласт очиж, 19 цагт эхнэрийн хамт тоглолт үзсэн. Тоглолтоос эхнэрийн хамт гарч такси бариад шууд гэртээ харьсан. 

 

Арваннэгдүгээр сарын 09-нд 

 

Автобусаар Саппоро ороод 22-н товчоо руу мөн автобусаар дамжиж яваад албаны машин байгаа хашаандаа очиж, засвар хийсэн. Засвар хийж дуусаад тэндээсээ дугуй засуулахаар Алтан тэвш компанийн дугуй засвар орсон. Тэндээсээ гарч машинаа тавиад 22:00 цагт дарга гэрт хүргэж өгсөн.