• Өнөөдөр 2025-03-16

Д.Нямхүү: Халдвар илэрсэн сувилагчтай хамт ажиллаж байсан таван хүний шинжилгээ сөрөг гарсан

2020-11-09,   797

Сүүлийн гурав хоногт ХӨСҮТ-ийн Вирус судлалын хоёр лаборатори, ЗӨСҮТ-ийн лаборатори, Сэлэнгэ аймгийн салбар лабораторид нийт  1816  хүнд шинжилгээ хийхэд  12 хүнээс “COVID-19” халдвар илэрчээ. 

Энэ талаар ХӨСҮТ-ийн ерөнхий захирал Д.Нямхүү “Аравдугаар сарын 19-нд Сөүл-Улаанбаатарын тусгай нислэгээр ирсэн таван хүний давтан шинжилгээ, аравдугаар сарын 20-нд Дели-Улаанбаатарын тусгай нислэгээр ирсэн нэг хүний давтан шинжилгээ,  арвандүгээр сарын 7-нд Алтанбулаг боомтоор орж ирсэн ачааны машины нэг жолоочоос халдвар илэрсэн. Мөн энэ сарын 8-нд Алтанбулаг боомтоор орж ирсэн ачааны машины хоёр жолооч, аравдугаар сарын 17, 18-нд Алтанбулаг боомтоор орж ирсэн ачааны машины гурван жолоочид хийсэн давтан шинжилгээгээр мөн халдвар илэрлээ. Гурван жолооч нь Монгол Улсын иргэн” гэлээ. 
 
Мөн тэрбээр "ХӨСҮТ-ийн халдвар илэрсэн сувилагчтай хамт ажиллаж байсан таван ажилтныг хяналтын шинжилгээнд хамруулахад халдвар илрээгүй" гэлээ. 
 
Өнөөдрийн байдлаар, манай улсад коронавирусний халдварын 368 тохиолдол бүртгэгдсэнээс  317 нь эдгэрээд байна. ХӨСҮТ-д одоогоор 49 хүн эмчлүүлж байгаагаас нэг хүн хүнд, долоо нь хүндэвтэр, 41 хүний биеийн байдал хөнгөн оноштой байна.   

Д.Нямхүү: Халдвар илэрсэн сувилагчтай хамт ажиллаж байсан таван хүний шинжилгээ сөрөг гарсан
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.