Нийслэлийн хүн амын махны хангамж, үнийг тогтвортой байлгах ажлын хүрээнд 2021 оны өвөл, хаврын улирлын хүнсний хэрэгцээнд зориулан мал, мах бэлтгэж буй. Тиймээс 20 мянган тонноос багагүй махны нөөц бүрдүүлэх ажлыг өнгөрсөн долдугаар сарын 28-ны өдрөөс эхлүүлсэн. Энэ хүрээнд 18 аж ахуйн нэгжээр  мах бэлтгүүлэх шийдвэр гарсан талаар Улаанбаатар  хотын Ерөнхий менежер Т.Гантөмөр мэдээллээ.

 Тэрбээр “Нийслэлийн хүн амын хүнсний хэрэгцээнд зориулан дотоодын нөөцөд нэмэлтээр 7000 тонн мах бэлтгэн нийлүүлэх сонгон шалгаруулалтыг аравдугаар сарын 26-ны өдрөөс энэ сарын 4-н хүртэлх хугацаанд зарласан. Цаашид махны хангамж, нөөцлөлтийн ажлыг  үе шаттай хэрэгжүүлнэ” гэв.

Өнгөрсөн өвөл махны хангамж, хэрэгцээнд зориулан 16 мянган тонн мах бэлтгэж, нийт 11 мянган тонн махыг гэрээт 413 хүнсний дэлгүүрээр худалдан борлуулсан байна.

Эх сурвалж: Нийслэлийн ЗДТГ-ын Хэвлэл мэдээлэлтэй харилцах хэлтэс