Ирэх жил Ардын хувьсгалын 100 жилийн ой тохионо. Наадмын төсөвт жил бүр гурван тэрбум төгрөг зарцуулдаг байна. Харин ирэх жил 100 жил ой тэмдэглэх төсвийг нэмэгдүүлж 10 гаруй тэрбум төгрөг тавьж байгаа аж. Уг мөнгөөр 100 жилийн ойд зориулсан бүтэн жилийн арга хэмжээг зохион байгуулна гэдгийг Шадар сайд Я.Содбаатар хэлсэн байна. Үүнтэй холбоотойгоор холбогдох тогтоолын төслийг УИХ-д удахгүй өргөн барих аж. Ардын хувьсгалын 100 жилийн ойг угтаж контент үйлдвэрлэл, үндэсний хэмжээний томоохон кино, уран бүтээлүүд, тоглолтууд хийх төлөвлөгөөтэй байгаа аж.