Хүйтний улирал эхэлсэнтэй холбогдуулан ЦЕГ, МХЕГ, ОБЕГ хамтран гэр хорооллын иргэд буруу галлагааны улмаас угаарын хийд хордох, түүхий нүүрс хэрэглэх болон ахуйн гал түймэрт өртөх зэрэг зөрчил, дутагдлаас урьдчилан сэргийлэх үүднээс өнгөрөгч даваа гарагаас хяналт шалгалт эхлүүлжээ. Шалгалтыг Сонгинохайрхан дүүргээс эхлүүлж байгаа бөгөөд нийслэлийн зургаан дүүргийн онцгой байдлын хэлтэс, мэргэжлийн хяналтын газар зэрэг холбогдох байгууллагын нийт 700 гаруй алба хаагч үзлэг, шалгалтаар газар дээр нь ажиллаж байна. Энэ талаар Сонгинохайрхан дүүргийн Онцгой байдлын хэлтсийн дарга, хурандаа А.Алтансүхээс тодрууллаа.