“Иргэдийн шударга шүүх” ТББ-аас иргэдийн эрх зүйн боловсролыг дээшлүүлэх зорилгоор Үндсэн Хуулийн дугуйлан нээжээ.

Энэ талаар тус ТББ-ийн тэргүүн Х.Бат-Ялалт “Монгол Улсын Анхдугаар Үндсэн хууль батлагдсаны 100 жилийн ой энэ сарын 26-нд болохтой холбогдуулан “Үндсэн хуулийн дугуйлан”-г санаачилж, нээлээ. Иргэд дугуйланд үнэ төлбөргүй хамрагдах бөгөөд  эрх зүйн боловсролтой болж, хуулийн дагуу төр засагт шаардлага тавьдаг болно гэж найдаж байгаа. Эхний ээлжинд сургагч багш нарыг бэлтгэнэ. Дараа нь 21 аймаг, 331 суманд хүрээгээ тэлж, 330 дугуйлан байгуулахаар төлөвлөж байна. Сургагч багш нарын сургалтыг 2021 оны нэгдүгээр сарын 7 буюу бямба гарагт 11.30 цагаас эхлүүлнэ. Мөн зорилтот бүлэг буюу сэтгүүлчид, олны танил хүмүүс, улс төрийн намын удирдагчдын дунд сургалт зохион байгуулна. Дугуйлангийн албан ёсны нээлтийг энэ сарын 26-нд Чингис зочид буудалд хийхээр товлосон” гэв.