Тамхины 10 мянган хогийн савыг жолооч нарт үнэгүй тараана

Б. Отгонзаяа:
Монголчуудын амьдрал- Мэдээ мэдээлэл

2020-10-30, 862

Цагдаагийн ерөнхий газрын Экологийн цагдаагийн албанаас энэ онд хэрэгжүүлж буй “Байгаль эн тэргүүнд” төслийн хүрээнд хог хаягдлаас үүдэлтэй хөрс, усны бохирдлын эх үүсвэрийг бууруулах, экологийн тэнцвэрт байдал алдагдахаас урьдчилан сэргийлэх зорилгоор “Хогоор бүү хорло” арга хэмжээг өнгөрсөн зургадаар сарын 10-наас долдугаар сарын 10 хүртэл зохион байгуулагдсан.

Энэ арга хэмжээний нэг хэсэг болох Тохижилт үйлчилгээний компанийн ажилчдын ажлыг хүндрүүлдэг тамхиныхаа ишийг автомашиныхаа цонхоороо хаях зөрчлийг бууруулах чиглэлд “PC mall” компани хамтарч “Тамхины хоггүй хотыг бүтээе” арга хэмжээг санаачлан 20 хоногийн хугацаатай хэрэгжүүлж байна.

Үүний хүрээнд утаат тамхины 10 мянган ширхэг хогийн савыг цахим орчинд идэвхтэй үйл ажиллагаа явуулдаг автомашин сонирхогчдын групп, “PC mall” компанийн худалдааны төвүүдээр дамжуулан үнэгүй болон урамшуулах хэлбэрээр мөн жолооч нарт хяналт шалгалт хийх үеэр үнэ төлбөргүй тараана.

Ташрамд дурдахад, Монгол Улсын Зөрчлийн тухай хуулийн 5.1 дүгээр зүйл “Олон нийтийн газарт зүй бусаар биеэ авч явах” зөрчлийн 1-т зааснаар “Олон нийтийн газар, авто зам, орон сууцны орчны газар, гудамж, талбайд бие зассан, эсхүл нус, цэр, тамхины иш, хог хаясан бол хүнийг арван нэгжтэй тэнцэх хэмжээний төгрөгөөр торгоно” гэж тусгасан байдаг. Цагдаагийн байгууллагаас 2019 онд 1400 зөрчил гаргагчид торгууль ногдуулж ажилласан.

Эх сурвалж: Цагдаагийн Ерөнхий газар

Тамхины 10 мянган хогийн савыг жолооч нарт үнэгүй тараана

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2020-10-30 12:22:53

Zochin: Яах гэж ийм балай юм хийж байдгийн. Улсын мөнгийг зүгээр сайхан үрэх гэсэн л санаа байх даа. Цагдаа хязгаарлалтыг нь л хийхэд болоо биз дээ. Ямар даргынх нь бизнес юм болдоо. Журам заавраа биелүүлж амьдрахын тулд хүмүүс өөрсдөө л авах хэрэгтэй шүү дээ. Хэтэрхий бэлэнчлэх сэтгэлгээтэй болгох юм. Энэ чинь хүмүүсийг ч алж байгаа. Та нар өөрсдийгөө ч дараа нь хэцүү байдалд оруулж байгаа гэсэн үг шүү дээ. Дараа нь мэдээгүй, тараасан тамхины савнаас чинь аваагүй гэвэл тэгээд юу гэх гэж байгаа юм болдоо. Хүмүүсийг ялгаварлаад ч байгаа юм шиг. Үгүй мөн тархи толгой нь олгой болсон улсуудаар дүүрчихсэн хэцүү улс болж байна даа.