Нийслэлийн Хөдөлмөр эрхлэлтийн газраасжил бүх ажлын байрны өдөрлөг зохион байгуулдаг. Тэгвэл “Таван богд фүүдс“ компаниас 200 гаруй ажлын байр зарласны дагуу энэ сарын 20, 21-ний өдрүүдэд “Нээлттэй ажлын байрны өдөрлөг”-ийг Нийслэлийн Хөдөлмөр эрхлэлтийн газрын Хөдөлмөр эрхлэлтийг дэмжих төвд зохион байгуулах гэж байна.

“Таван богд фүүдс" компани нь “Салбарын ажилтан”, “Хүргэлтийн жолооч”, “Үйлчлэгч” ажлын байруудад нийт 200 гаруй ажилтныг авч, “KFC” түргэн хоолны ресторанд шаардлагатай хүний нөөцийг бүрдүүлэх аж.

Ажил хайгч иргэд тус өдөрлөгт хүрэлцэн ирснээр тус компаниас зарласан ажлын байранд бүртгүүлж, ажлын ярилцлагад орохоос гадна Хөдөлмөр эрхлэлтийг дэмжих төвд ирүүлсэн нийт 2500 орчим ажлын байрны мэдээллийг авч,  хөдөлмөр эрхлэлтийн үйлчилгээнд хамрагдах боломжтой.

Ажлын байранд тавигдах шаардлага:

• Салбарын ажилтан
• Өглөө, оройн ээлжид ажиллах боломжтой, 18 нас хүрсэн, тууштай ажиллах хүсэлтэй
• Хүргэлтийн жолооч
• Жолооны эрхийн оноо 7-с дээш, 2-3 жил хот дотор машин барьж байсан туршлагатай, өглөө, оройн ээлжид ажиллах боломжтой
• Үйлчлэгч
• Өглөө, оройн ээлжид ажиллах боломжтой, 18 нас хүрсэн, тууштай ажиллах хүсэлтэй

Ажлын байрны өдөрлөг аравдугаар сарын 20, 21-ний өдрүүдэд, 09:00-17:00 цагийн хооронд Нийслэлийн үйлчилгээний нэгдсэн төвийн Дүнжингарав салбарт байрлах Хөдөлмөр эрхлэлтийг дэмжих төвд болно.

Эх сурвалж: Нийслэлийн хөдөлмөр эрхлэлтийн газар