Эрчим хүчний зохицуулах хорооноос нийслэл, орон нутгийн айл өрхүүдийн шөнийн цахилгааны төлбөрийг ирэх сарын 1-нээс 100 хувь хөнгөлөх тухай мэдээлэв. Цахилгааны хөнгөлөлтөд нийслэлийн гэр хорооллын 117 мянга айл, орон нутгийн 72 мянган өрх тус тус хамрагдах бөгөөд нийт 4.7 тэрбум төгрөгийн хөнгөлөлт үзүүлэх аж.

Цахилгааны хөнгөлөлт ирэх дөрөвдүгээр сарын 1-нийг хүртэл оройн 21.00 цагаас өглөөний 06.00 цагийн хооронд үйлчилнэ. Хөнгөлөлтөд хамрагдах шалгуур нь цахилгаан, эрчим хүчний өр төлбөргүй, цахилгааны аюулгүй байдлыг хангасан, өдөр шөнийн буюу хоёр фазын тоолууртай айл байх аж.