Сүхбаатар аймгийн эрүүл мэндийн салбарт энэ онд 3.6 тэрбум төгрөгийн хөрөнгө оруулалт хийжээ. Эдгээр хөрөнгө оруулалтын нэгдсэн нээлтийг хийж, тоног төхөөрөмжийн ашиглалт, бүрэн бүтэн байдалд анхаарч, эрүүл мэндийн тусламжийг ард иргэдэд түргэн шуурхай чанартай үзүүлэхийг АНЭ-гийн удирдлагуудад зөвлөв. 

Орон нутгийн төсвийн хөрөнгө оруулалт 99.6 сая төгрөгөөр сумдын болон өрхийн эрүүл мэндийн төвүүдийг явуулын мобайл технологийн үйлчилгээнд нэвтрүүлжээ. Мөн уламжлалтын эмнэлгийг автомашинаар хангаж, хүн ам олонтой Баяндэлгэр, Мөнххаан сумдын эрүүл мэндийн төвийг рентген аппаратаар хангасан зэрэг ард иргэд рүү чиглэсэн бодит хөрөнгө оруулалтуудыг хийсэн байна.