Говьсүмбэр аймгийн Сүмбэр сумын Тарвагат-Улааны нуур гэх газраас Дундговь аймгийн Баянжаргалан сумын чиглэлд “Азийн топ-Ишлэл” ХХК-ын эзэмшлийн “Ниссан Эдван” загварын автомашинтай иргэн  нууран дээгүүр зорчиж яваад мөс цөмөрч автомашин гарах боломжгүй болжээ. Тус дуудлагыг өчигдөр 22:00 цагт Онцгой байдлын ерөнхий газар хүлээн авсан байна. Тус аймгийн Онцгой байдлын газрын Эрэн хайх, аврах бүлгийн алба хаагчид 42 км зам туулан 23:40 цагт очиход иргэн Ю-ийн жолоодож явсан суудлын автомашин тус нууранд цөмрөн орсон байсныг 00:58 цагт татаж гаргасан байна.