Налайх дүүргийн зургадугаар хороонд байрлах “Тэрэлж” амралтын газар амарч байсан Америк улсын элчин сайдын яамны ажилтан ууланд авирч байгаад унаж гэмтжээ. Түүнийг Налайх дүүргийн Онцгой байдлын хэлтсийн аврах бүлгийнхэн уулнаас буулгаж, эмнэлэгт хүргэсэн байна. Энэ талаар Налайх дүүргийн Онцгой байдлын хэлтсийн дарга Л.Чинбатаас тодрууллаа.

      Тэрбээр “Өнгөрсөн Бямба гарагт Америкийн иргэн найман метр өндөр ууланд авирч байгаад шилбээ хугалж, цус алдаж гэмтсэн. Түүнийг Онцгой байдлын аврах ангийн зургаан аврагч хөлийг нь чиг тавьж боогоод, эмнэлэгт хүргэсэн. Өчигдөр над руу Америкийн элчин сайдын яамнаас холбогдож “Америк иргэн нутаг буцсан. Яаралтай түргэн тусламж үзүүлж, авран хамгаалсанд баярлалаа” гэсэн. Тэгэхээр нутаг руугаа эмчлүүлэхээр явсан байх. Тэр гэр бүлийнхээ хүнтэй хамт амарч байсан” гэлээ.