Говь-Алтай аймаг дахь хилийн цэргийн 0214 дүгээр ангид өнгөрсөн дөрөвдүгээр сарын 8-нд байлдагч Х, М нар харуулын дарга, ахлах ахлагч Г-гийн амийг хөнөөсөн хэрэг гарсан. Тэгвэл уг хэрэгт Говь-Алтай аймгийн Прокуророос яллах дүгнэлт үйлдэн шүүхэд шилжүүлж, тус аймаг дахь сум дундын эрүүгийн хэргийн анхан шатны шүүх хүлээн авч, өнөөдөр хянан хэлэлцэж, шийдвэрлэжээ.

Шүүгдэгч Х, М нарт Эрүүгийн хуулийн зүйл заалтаар ногдуулсан нийт дөрвөн жилийн хугацаагаар хорих ялыг өршөөн хэлтрүүлсэн.

          Шүүгдэгч М-д Эрүүгийн хуулийн тусгай ангийн 17.2 дугаар зүйлийн 1 дэх хэсэгт зааснаар ногдуулсан нэг жилийн хугацаагаар хорих ялаас 2021 оны долдугаар сарын 2-ны өдөр батлагдсан “Өршөөл үзүүлэх” тухай хуулийн 7 дугаар зүйлийн 7.1 дэх хэсэгт зааснаар нэг жилийн хугацаагаар хорих ялыг нэг жилийн хугацаагаар зорчих эрхийг хязгаарлах ялаар сольж, шүүгдэгч Х-д 11 жилийн хугацаагаар хорих ял ногдуулж, ялыг нээлттэй хорих ангид эдлүүлэхээр тус тус шийдвэрлэсэн байна.