Тулгар төрийн 2229, Их Монгол Улсын 814, Ардын хувьсгалын 99 жилийн ой, Үндэсний баяр наадмын хүчит бөхийн барилдаанд шөвгөрсөн 16 бөхөд допингийн шинжилгээ хийжээ. Дөрвөн бөхийн шинжилгээний хариу эерэг гарсан талаар мэдээлэл гарсан. 

 Улсын харцага Б.Бат-Орших, Улсын аварга Н.Батсуурь, улсын арслан Р.Пүрэвдагва нар  хэвлэл мэдээллийн хэрэгслээр хүлээн зөвшөөрсөн. Харин Б.Бат-Орших албан бичгээр илэрхийлсэн юм. Ингэснээр Б сорьцыг хийлгэх шаардлагагүй болж байгаа гэв.

Үндэсний бөхийн салбар хорооны дарга Б.Баасандорж “Үндэсний бөхийн салбар хорооноос Үндэсний их баяр наадмын талаарх зарим хууль тогтоомжид өөрчлөлт оруулах талаар судалж байна. Хууль тогтоомжийг давсан актууд мөн байна. Ирэх 7 хоногт Үндэсний их баяр наадмын зохион байгуулалтын талаарх хэлэлцүүлгийг Шадар сайдын ивээл дор зохион байгуулна” гэлээ.