• Өнөөдөр 2025-09-16

Орхон голд живсэн хоёр иргэний эрэн хайх ажиллагааг зогсоожээ

2020-10-05,   839

 Сэлэнгэ аймгийн Сүхбаатар сумын Буурхээр багийн “Өндөр-Эрэг” гэдэг газар тус сумын иргэн 70 настай, эрэгтэй А, 64 настай, эрэгтэй С нар наймдугаар сарын 18-ны өдөр “Орхон” голд сэлэх гэж ороод живжээ. Уг дуудлагыг  тус аймгийн Онцгой байдлын газар хүлээн авсан. Эрэн хайх ажиллагааг наймдугаар сарын 18-31-ний өдөр, Есдүгээр сарын 12-18-ны өдрүүдэд зохион байгуулсан. 

Ар гэрээс гаргасан хүсэлтийн дагуу тус аймгийн Онцгой байдлын газрын Эрэн хайх, аврах салбарын алба хаагчид болон ар гэрийнхэн аравдугаар сарын 4-ний өдрийн 09:00 цагаас эхлэн хоёр  бүлэгт хуваагдан эрэн хайх ажиллагаа зохион байгуулжээ.

Ингэхдээ нэгдүгээр бүлэг анх осолдсон газраас “Тавтын пост” хүртэл 45 км-т, хоёрдугаар бүлэг Төмөр замын 12 дугаар зөрлөг хүртэл 25 км-т тус тус завиар “Орхон” голын усанд эрэн хайх ажиллагааг зохион байгуулсан боловч үр дүнд хүрээгүй тул 18:30 цагт ар гэрийнхэнтэй нь зөвшилцөж ажиллагааг зогсоосон байна.
Эх сурвалж: ОБЕГ


Орхон голд живсэн хоёр иргэний эрэн хайх ажиллагааг зогсоожээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.