Нурсултан-Улаанбаатар чиглэлийн тусгай үүргийн нислэгээр өнөөдөр 160 иргэнийг татан авлаа. Тус онгоц “Буянт-Ухаа” олон улсын нисэх буудалд 08.15 цагт газарджээ.

Иргэдийг шалтгаан нөхцлөөр нь авч үзвэл бага насны хүүхэдтэй гэр бүл ес, өндөр настан найм, эрүүл мэндийн шалтгаантай 29, жирэмсэн дөрөв, бусад хүндэтгэн үзэх шалтгаантай 110 хүн байгаа юм. Тэднийг  ХӨСҮТ, Цэргийн төв эмнэлэг, ОБЕГ-ын харьяа Давтан сургалт, сургалт сэргээн заслын төв 113 дугаар ангийн “Жаргалант” сувилал, “Наранбулаг” амралтын газарт тусгаарлах юм байна.