Мал аж ахуйн өвөлжилтийн бэлтгэл хангах чиглэлээр Засгийн газар “Хөдөө аж ахуйн салбарын 2020-2021 оны өвөлжилт, хаваржилтын бэлтгэл хангах тухай 19 дүгээр тогтоол гаргасан.

Энэ жил Баянхонгор, Өвөрхангай, Говь-Алтай, Өмнөговь, Дундговь, Хөвсгөл гэсэн зургаан аймагт өвөлжилт хүндрэх эрсдэлтэй байгааг ХХААХҮЯ-наас мэдээлсэн бөгөөд өвөлжилтийн бэлтгэлээ сайтар хангахыг анхааруулж буй.

Мөн энэ жил улсын тусгай хамгаалалттай газар, хилийн зурвас газар, улсын тусгай хэрэгцээний аймаг дундын есөн отрын бүс нутаг, орон нутгийн тусгай хэрэгцээний отрын нөөц нутагт 16 мянга 426 өрхийн 8.35 сая толгой малыг отроор өвөлжүүлж, хаваржуулах аж.