Сүүлийн  хоёр хоногт ХӨСҮТ-ийн Вирус судлалын лаборатори, Дархан-Уул аймгийн вирус судлалын салбар лабораторит нийт  1406   хүнд коронавирусийн шинжилгээ хийсэн. Шинжилгээний хариунаас нэг хүнд коронавирус илэрсэн байна. Тус иргэн  энэ сарын 17-нд Хонконгоос ирж, ХӨСҮТ-д тусгаарлагдаж байсан. Өнөөдрийн байдлаар Монгол Улсад коронавирусийн 313 тохиолдол бүртгэгдсэн байна. Үүнээс 302 хүн эдгэрчээ.

"ХӨСҮТ-д 11 хүн коронавирусийн улмаас эмчлүүлж байна. Одоогоор есөн хүний биеийн байдал хөнгөн, хоёр хүний биеийн байдал хүндэвтэр байна" хэмээн ХӨСҮТ-ийн Ерөнхий захирал Д.Нямхүү мэдээллээ.