Нийслэлийн Эрүүл мэндийн газраас Монголын хүүхдийн анагаахын академитай хамтран 0-5 хүртэлх насны хүүхдийн өвчний цогц менежмент хөтөлбөрийн хэрэгжилтийг сайжруулах,томуу, томуу төст өвчний дэгдэлтийн бэлэн байдлыг хангах зорилгоор Өрхийн эрүүл мэндийн төвийн шинэ, залуу эмч нарын сургалт болж байна.
“Хүүхдийн өвчний цогц менежмент” сэдэвт шинэчилсэн хөтөлбөрийн сургалтыг есдүгээр сарын 09-ний өдрөөс зохион байгуулж байна. Нийслэлийн найман дүүргийн 142 Өрхийн эрүүл мэндийн төв болон Багахангай дүүргийн 290 гаруй эмч хамрагдаж, хүүхдэд үзүүлэх эрүүл мэндийн тусламж, үйлчилгээний мэдлэг, туршлагаа сайжруулах юм.