"КОВИД-19" цар тахлын улмаас гадаад орнуудад гацсан иргэдээ татан авч тусгаарлах байранд 21 хоног байлгаж буй. Ингэхдээ нэг иргэний хоногийн байр, хоолны зардлыг 50 мянган төгрөгөөр тооцон төлбөр авч байгаа. Гэвч тусгаарлах байранд байгаа иргэдээс хоол амт, чанаргүй, үс, ялаа гарч ирдэг, зочид буудлын өрөөнүүд нь бохир, хулганатай, бэлгэвч, тамхины ишээр дүүрэн байгаа тухай гомдол тасрахгүй гарсаар байна. Өнөөдөр л гэхэд "Дрийм" зочид буудалд тусгаарлагдаж байсан 20 орчим иргэн хоолны хордлогонд орж ХӨСҮТ-д хүргэгдээд байна. Тэгвэл өнгөрсөн хугацаанд тусгаарлах байрны орчин, хоолтой холбоотой ямар зургууд цахим орчинд тарж байсныг тоймлон хүргэж байна.