Театрын эх орон Франц улсын Парис хотноо алдарт Сара Бернарын театрт 1961 онд дэлхийн олон орны зочид төлөөлөгчид, театрын зүтгэлтнүүд цуглаж, урлагийн хамтлагууд жүжгээ тоглож анх театрын баяраа тэмдэглэсэн түүхтэй. Наадамд оролцогсод “Эв нэгдэл харилцан ойлголцол энх тайван” урианд нэгдэж, театрын баярыг хүн төрөлхтний баяр болгохоор шийдвэрлэсэн байна. Монгол улсад 1990 оноос тус баярыг тэмдэглэдэг болж тухайн жилдээ туурвисан шилдэг бүтээлүүдээ үзэгч түмэндээ толилуулж үзэсгэлэн, уралдаан наадам зохион байгуулж, уран бүтээлчид тайлангаа тавьдаг болсон билээ.

Энэ жил Д.Нацагдоржийн нэрэмжит Улсын драмын эрдмийн театрын хамт олон цар тахлын үед ч уран бүтээлээ үзэгчдэд хүргэхийн төлөө ажилласа юм. Тухайлбал, Дэлхийн театрын өдөрт зориулж Г.Гомбосүрэнгийн нэрэмжит "Театр-Монолог 90" уралдаан зарлаж, шалгарсан шилдэг бүтээлүүдээ дээжлэн "Сэтгэлийн хүүрнэл" хөтөлбөрийг хүргэж байгаа юм. Өнөөдөр дэлхийн театрын урлагийн уран бүтээлчид болон театрын урлагийн үнэнч үзэгч түмний баярын өдөр юм.

Эх сурвалж: УДЭТ