Жүжигчинд Б.Замилангийн төрсөн өдөр өнөөдөр тохиож байна.

     Түүнийг бид “Говийн домог” киноны Эгэрэл гүнж, “Нарны садан” киноны Гиймэл хатан, “Амьдралын урт замд” киноны Оюун зэрэг дүрээр нь сайн мэднэ. Хөгжим бүжгийн коллежийг төгөлдөр хуурчаар төгссөн түүнд МУГЖ, бүжиг дэглээч, бүжгийн багш ээж нь ч нөлөөлж, багаасаа л урлагийн ахуй орчинд өсжээ. Мөн СУИС-ийн тайз дэлгэцийн жүжигчин мэргэжлээр бакалавр, МУИС-ийг маркетингийн мэргэжлээр сурч төгссөн байна.

       Тэрбээр "Тийм би өөрийгөө нэлээд шартай гэж боддог. Гэхдээ улайрч муйхарладаггүй. Аливаа нэгэн зүйлд бууж өгөх дургүй ч гэдэг юм уу нэг тийм зөв шартай байх. Гаднаа би уян зөөлөн харагддаг ч байгаагаасаа илүү дайчин" хэмээсэн. Үнэхээр ч урлагт хайртай, дайчин чанараараа олон сайхан уран бүтээлд зөөлөн, дөлгөөн, сэргэлэн дүрүүдийг бүтээсээр буй. Түүнд төрсөн өдрийн мэнд хүргэж, уран бүтээлийн өндөр амжилт хүсье.

Түүний ярилцлагыг бүрэн эхээр нь энд дарж уншаарай.