ДБЭТ-ын уран бүтээлчид Д.Нацагдоржийн "Учиртай гурван толгой" дуурийг ирэх аравдугаар сард тоглохоор товложээ. Тодруулбал ирэх аравдугаар сарын 18-ны 17:00 цагаас тоглох байна. Гурван бүлэг, таван үзэгдэлт энэхүү дуурийн хөгжмийг Төрийн шагналт, Ардын жүжигчин Б.Дамдинсүрэн, Б.Смирнов нар хийсэн байна. Харин дуурийн найруулагчаар Урлагийн гавьяат зүтгэлтэн Л.Эрдэнэбулган, ерөнхий зураачаар Ардын зураач Ч.Гунгаасүх, туслах найруулагчаар МУСТА, Б.Цэрэндаваа нар ажиллаж байна.