Үндэсний их баяр наадмыг угтаж Монгол Улсын Ерөнхийлөгч салбарын шилдгүүдэд төрийн дээд гавьяа шагнал хүртээж байгаа билээ. Энэ үеэр дуучин Л.Банзрагч МУГЖ цол хүртлээ. Тэрбээр "Анх 1996 онд Увс аймгийн театрт дагалдан дуучнаар орж байсан. Түүнээс хойш олон сайхан эрдэмтэн багш нар, дуунд дуртай түмэн олныхоо дэмжлэгээр 29 дэх жилдээ урлагтаа үнэнч байж, өнөөдөр төрийн их хайр хишгийг хүртсэндээ баяртай байна. Үндэснийхээ урлаг болох дуу хуур, үндэсний дээл хувцас, өв соёлд үнэнч байж, залуу хойч үедээ үлгэрлэж, хичээх болно гэж хэлмээр байна. Арыг минь дааж байдаг ханьдаа, үзэгч, сонсогчдодоо, ах, дүү, найз нөхдөдөө баярлалаа" гэв.