Лабубу бол сүүлийн жилүүдэд Азийн орнууд ялангуяа Хятад, Тайвань зэрэг орнуудад ихээхэн алдаршсан тоглоомын дүр юм. Энэ нь алдарт дизайнер тоглоом үйлдвэрлэгч “POP MART” компанийн “The Monsters” цувралд багтдаг чихмэл тоглоом юм.

Лабубугийн дүрийг анх Тайваны уран бүтээлч Kaising Lung бүтээсэн бөгөөд тэрээр хүүхдийн төсөөлөл, үлгэрийн ертөнцөөс сэдэвлэн бүтээлүүдээ хийдэг аж. Энэ тоглоом нь “Blind Box” буюу нууцлаг хайрцагт хийсэн хэлбэрээр гардаг бөгөөд олон төрлийн хувилбар, хувцаслалттай.

         Түүнийг цуглуулдаг хүн олон байдаг ба зарим ховор хувилбарууд нь өндөр үнээр зарагдаж эхэлсэн талаар гаднын хэвлэлүүд онцлох болсон. “PassportCard” даатгалын компанийн мэдээлснээр, миллениал болон Gen Z үеийн гурван хүн тутмын нэг нь “Аялалд явахдаа өөрийн Лабубуг хулгайд алдах вий” хэмээн тусгай даатгалд хамруулах оролдого хийсэн байна.  Өөрөөр хэлбэл, энэ тоглоом нь эздийнхээ сэтгэл зүйн хувьд тийм үнэ цэнтэй зүйл болсон хэмээн компанийн тайланд тэмдэглэсэн байна.

С.Оюун-Эрдэнэ