“Хурд” хамтлаг энэ сарын 21-нд “Socialpay” паркт “Бүсгүй” амь хөгжмийн тоглолт хийхээр болжээ. Тэд 30 жилийнхээ ойн хүрээнд өнгөрсөн нэгдүгээр сард "Бүсгүй" уран сайхны киног хүргэсэн бол энэ удаад амьд хөгжмийн тоглолтоороо үзэгчидтэйгээ уулзах гэж байна. Анх 1987 онд Төмөр замын вагон депогийн ажилчин, хөгжим сонирхогч хэсэг залуусын дунд байгуулагдаж байсан түүхтэй энэ хамтлаг өдгөө 30 жилийн хугацаанд олон сайхан дууг хүмүүсийн сэтгэлд хоногшуулж чадсан билээ. Анхны "Хар салхи" тоглолтоос эхлээд олон ч хит тоглолтыг тавьсан байдаг.