Дархан-Уул аймгийн ИТХ-ын 2025 оны зургадугаар сарын 2-ны өдрийн ээлжит бус 7-р хуралдаанаар шийдвэрлэсний дагуу зуны тэргүүн сарын шинийн 9-ний дашнямтай билэгт сайн өдөр буюу зургадугаар сарын 4-ний өдөр, өнөөдөр  “Дархан Хайрхан”-ыг тайх ёслол ёслол төгөлдөр боллоо.

     Энэ жил 17 дахь удаагаа зохион байгуулагдаж буй энэхүү тайлгад иДархан-Уул аймгийн Засаг дарга Б.Азжаргал тэргүүтэй аймаг, сумын удирдлагууд, нутгийн ард иргэд өргөнөөр оролцож, хайрхандаа сүсэглэн тайж, байгаль дэлхийдээ талархал илэрхийллээ.

     Ёслолын үеэр монгол түмний уламжлалт зан заншлыг харуулсан сур, шагайн харваа, үндэсний бөхийн барилдаан, даага болон их насны морьдын уралдаан зэрэг олон арга хэмжээ зохион байгуулагдаж, нутгийн зон олны сэтгэлийг баясгалаа.

     Харин энэ удаагийн тайлгын нэгэн бэлгэдэл болсон мэт, бороо шивэрч, гандуу байсан өдрүүдийн араас байгаль дэлхий, уул ус маань тайтгарах шиг боллоо. Энэ бол нутгийн олны сэтгэлийг бүр ч гэгэлзүүлсэн, билэг дэмбэрэлтэй сайхан үйл явдал болж байна.

     Анх 2008 онд аймгийн ИТХ-ын тэргүүлэгчдийн хуралдаанаар “Дархан Хайрхан” уулыг тайх уламжлалыг сэргээж жил бүр тайж байхаар шийдвэрлэж, хайрхнаа тахих төр, шашны ёслолын ерөнхий журам, үлгэрчилсэн дэгийг баталж хэрэгжүүлснээс хойш жил бүр тайж байгаа юм.