Зун цаг бол урлаг соёлын халуун улирал билээ.  Зургадугаар сард болох тоглолтуудыг хүргэж байна. Манай мэдээг уншаад урлагийн аяллаа төлөвлөөрэй.

“URGAKHUI”

Урин дулаан цагийг тохиолдуулан The Royal Heartaches хамтлаг зургадугаар сарын 06-нд “URGAKHUI” нэртэй бүрэн хэмжээний бие даасан тоглолт болон. Өмнө жил хийгдсэн  анхны “KHARUI” тоглолтын тасалбар богино хугацаанд борлогдож дууссантай холбогдон энэ удаад суудал, талбайн багтаамжаа нэмэгдүүлж MBank Arena-д зохион байгуулахаар болжээ.

Тасалбарыг shoppy.mn-с худалдан авах боломжтой:https://shoppy.mn/products/urgakhui-concert-250606

“Эгшиглэнт цэцэрлэг”

Монгол Улсын Урлагийн Гавьяат зүтгэлтэн оны шилдэг дуу шалгаруулах Морин хуур наадмын хошой шагналт, хөгжмийн зохиолч Довчингийн Цэцэрлэгийн шилдэг уран бүтээлүүдээс бүрдсэн "Эгшиглэнт цэцэрлэг" уран бүтээлийн цэнгүүн зургадугаар сарын 6-нд Соёлын төв өргөөнд тоглогдоно. Тоглолтод Ханьсахын жаргал", "Тэнгэрийн бүсгүй", "Зүүдэнд уяатай аав", "Хайрлаарай", "Эр хүн шиг эр хүн дээ" зэрэг ард түмний сэтгэлд хоногшсон аялгууг МУАЖ А.Долгор, МУГЖ С.Ганзориг, МУГЖ Т.Батсайхан, СТА Т.Дэлгэрмөрөн, Г.Эрдэнэтунгалаг, Л.Чулуунбаатар, Т.Төрмандах, А.Түмэн-Өлзий, Ньюанс, Мотив зэрэг хамтлаг дуучид оролцож эгшиглүүлнэ.

Тасалбарыг ticket.mn-с худалдан авах боломжтой:https://www.ticket.mn/event/2596

“All In Hit 2”

Зургадугаар сарын 7-нд “All In Hit 2” тоглолт “HIT PARK”-д зохион байгуулагдахаар болжээ. Энэхүү тоглолтонд  Монголын орчин үеийн хөгжмийн урсгалуудыг нэг дор цуглуулж, үзэгчдэд шинэ мэдрэмж, эрч хүчийг бэлэглэх зорилготой. Тоглолтонд Motive, Negen zugt, Sync, Take off гэсэн хамтлагууд оролцоно.

Тасалбарыг shoppy.mn-с худалдан авах боломжтой:https://shoppy.mn/products/allinhit-2-250607

"Summer Rhythm" Pure Jazz Concert

Төрийн Соёрхолт "Баянмонгол" биг бэнд энэ зуны хэмнэлийг мэдрэх цэвэр жазз концерт зургадугаар сарын 8-нд Улсын Филармонид тоглогдоно. Энэхүү тоглолтонд урилгаар Итали улсын удирдаач, хөгжмийн зохиолч, хөгжимчин АНДРЕАС МАРИНЕЛЛО удирдан явуулах ба Монголын болон дэлхийн жазз бүтээлүүдээс гадна түүний зохиож найруулсан зохиолын дээжсээс тоглогдоно.

Тасалбарыг ticket.mn-с худалдан авах боломжтой:https://www.ticket.mn/event/2619

“TAEYANG - SUPER CONCERT 2025 IN MONGOLIA”

K-POP урлагийн домогт хамтлаг болох BIGBANG-ийн гол дуучин, дэлхийн алдарт уран бүтээлч TAEYANG нь “Eyes, Nose, Lips”, “Wedding Dress”, “VIBE” зэрэг дэлхийд алдартай уран бүтээлүүдээрээ фэнүүдийнхээ зүрхийг байлдан дагуулсан. Энэ удаа Монголын хөгжмийн тайзан дээр өөрийн өвөрмөц авьяас, эрч хүч, халуун дулаан мэдрэмжээ шууд хүргэхээр зургадугаар сарын 21-нд төв цэнгэлдэх хүрээлэнд тоглолтоо хийхээр болжээ. Тоглолтонд хүчирхэг хоолойтой Солонгосын алдарт дуучин Ailee оролцох юм.

Тасалбарыг shoppy.mn-с худалдан авах боломжтой:https://shoppy.mn/products/superconcert-250621

“Camerton 30th anniversary”

Монголын рок попын амьд домог "Камертон" хамтлаг бие даасан бүрэн хэмжээний “Camerton 30^th anniversary” тоглолтоо зургадугаар сарын 28-нд Socialpay Park-д хийхээр болжээ. Энэхүү тоглолт Камертон хамтлагын 30 жилийн уран бүтээлийн тайлан тоглолт юм.

Тасалбарыг shoppy.mn-с худалдан авах боломжтой:https://www.ticket.mn/event/2515