"Про" театрын уран бүтээлчид энэ оны дөрөвдүгээр сарын 9-нөөс Александр Вампиловийн "Нугасны ан" жүжгийн зохиолыг мета драмын жүжиг хэлбэрээр тайзнаа тавихаар болжээ. Тус жүжгийн зохиол нь найз нөхдийн харилцаа, хайр сэтгэл, хувь хүний дотоот зөрчил, амьдралын үнэ цэнийг хөндсөн байна. Жүжгийг  "Про" театрын найруулагч, жүжигчин Б.Анхбаатар найруулсан бол туслах найруулагчаар нь "Инээмтгий хүн" жүжгийн найруулагч Б.Даваасүрэн ажилласан байна. Харин тайзны зураачаар Г.Түвшинжаргал ажиллажээ.