Монгол цэргийн өдөр, Зэвсэгт хүчний 104 жил ойн хүрээнд цэрэг, эх орны сэдэвт яруу найргийн өв санг баяжуулах, цэргийн алба хаагчид, ард иргэд, хүүхэд залууст төрөлт нутаг, тусгаар тогтнол, түүх соёлоороо бахархах сэтгэлийг төрүүлэх, цэрэг-эх оронч үзлийг төлөвшүүлэг, иргэн-цэргийн харилцааг бэхжүүлэх зорилготой 36 дахь удаагийн “Эх орны цэрэг” яруу найргийн наадам энэ сард зохион байгуулагдахаар болжээ. Тухайлбал, “Эх орны цэрэг-2025” яруу найргийн наадмын I шатны шалгаруулалтын шүлгүүдийг гуравдугаар сарын 13-ны өдөр хүртэл хүлээн авч, II шатанд шалгарсан яруу найрагчдыг зарлах бөгөөд яруу найргийн наадам энэ сарын 14-ний өдөр болно.

Ташрамд дурдахад, өнгөрсөн жил зохион байгуулагдсан “Эх орны цэрэг-2024” яруу найргийн наадамд нийт 127 яруу найрагч оролцож, тэргүүн байрт МЗЭ-ийн гишүүн, Д.Нацагдоржийн нэрэмжит шагналт П.Нямлхагва, дэд байрт МЗЭ-ийн гишүүн, МЗЭ-ийн шагналт Л.Торой, гутгаар байрт МЗЭ-ийн гишүүн, “Болор цом”-ын эзэн Б.Жамбалдорж, тусгай байрт МЗЭ-ийн гишүүн, Г.Сэр-Одын шагналт яруу найрагч Т.Батхүрэл, МЗЭ-ийн гишүүн Т.Пүрэвжаргал нар шалгарсан билээ.