Хэдхэн хоногийн өмнө Valve-ийн чансаагаар дэлхийн чансааны тавдугаарт бичигдэж эхэлсэн The MongolZ өчигдрөөс HLTV-ийн чансаагаар дэлхийд есдүгээрт жагсах болов. Ингэснээр тус баг HLTV-ийн түүхэнд хамгийн өндөр чансаанд хүрсэн Азийн анхны баг болж байна. Өмнө нь ямар ч Ази баг HLTV-ийн чансааны топ аравт багтаж байгаагүй юм. Өмнө нь 11 дүгээрт жагсаж байгаад хоёр байр ахисан The MongolZ-тэй чансаагаар ойртох баг Ази тивд ойрын хэдэн жилд гарахгүй бололтой. Учир нь, Азийн бусад багийн HLTV-ийн оноог нийлүүлсэн ч The MongolZ-той тэнцэхгүй. Тэгвэл эхний найман байрт ямар нэгэн өөрчлөлт ороогүй бол ес болон аравдугаарт эрэмбэлэгдсэн багууд шинэчлэгдсэний нэг нь Монгол юм. Манай улсын багийн тухайд ATOX 33 байраар ухарч, 76 дугаарт жагсав. Харин IHC Esports таван байр урагшилж, 99 дүгээрт, The Huns 22 байр ахиж, 147 дугаарт тус тус бичигдэж байна.