Нэрт орчуулагч, дипломатч, Соёлын гавьяат зүтгэлтэн, Гадаад явдлын яамны сайд асан Орхунт Ц.Гомбосүрэнд Төрийн шагнал хүртээхээр болжээ. Тодруулбал, түүнд Ф.М.Достоевскийн таван романыг орчуулсан гавьяаг нь үнэлж энэхүү шагналыг хүртээж байгаа юм байна.

     Тэрбээр 1951-1961 онд Өвөрхангай аймгийн Хужирт сумын 10 жилийн дунд сургууль, 1961-1966 онд ЗХУ-ын Москва хотын Хэвлэлийн дээд сургууль, 1974-1976 онд ЗХУ-ын Коммунист Намын Төв Хорооны дэргэдэх Намын дээд сургууль, 1978-1979 онд ЗХУ-ын Гадаад явдлын яамны дэргэдэх Дипломат Академид суралцаж төгссөн байдаг.

  Оросын нэрт зохиолч В.Астафьевийн "Хаан загас", А.Рыбаковын "Арбатын хүүхдүүд", "Айдас", "Үнс чандруу", И.Ильф, Е.Петровын "12 сандал", "Алтан тугал" зэрэг бүтээл болон Оросын нэрт зохиолч Юрий Трифоновийн гурван туужийг анх удаа монгол хэл рүү орчуулсан билээ.