Улсын дуурь бүжгийн эрдмийн театрын уран бүтээлчид энэ сард тоглох балет, дуурийнхаа товыг зарлаад буй билээ. Тэгвэл энэ сарын 19,20-нд 17:00 цагаас А.Аданы "Жизель" хайр дурлалын эмгэнэлт бүжгэн жүжгийг тоглохоор болжээ. Тус балет хоёр хэсгээс бүрдсэн бөгөөд ерөнхий найруулагчаар нь театрын ерөнхий балетмейстер Д.Дашлхагва ажилласан юм. Энэхүү балетыг 1841 оны зургадугаар сарын 28-нд Парисын Үндэсний дуурийн театрт анх удаа тоглосон байдаг.