Залуу артист Мөнхбаатарын Төгөлдөр залуучуудын дунд 290 гэх нэрээрээ танигдсан. Тус уран бүтээлч өнгөрсөн сарын 31-нд зургаа дахь жилдээ зохион байгуулагдаж буй “Triple X Music festival”-д оролцохдоо үзэгчдэд “Гоё юм үзүүлнэ, харуулна, мэдрүүлнэ” гэж амлалт өгч байсан бөгөөд тэрбээр тоглолтын дундуур үзэгч залуусын төлөөллийг тайзан дээр гаргаж, хамтдаа дуугаа дуулж, бүжиглэсэн билээ.  

М.Төгөлдөр 2000 оны гуравдугаар сарын 28-нд Их Британи, Лондон хотод төрсөн,198 см өндөр. 16 настайгаасаа үг бичиж эхэлсэн ба сургууль дээрээ үг бичдэг байсан нандин дэвтрээ алдаж байсан талаараа дурссан байдаг. 2017 онд физик, математикийн гүнзгийрүүлсэн сургалттай 11 дүгээр сургууль, 2023 онд  Санхүү, эдийн засгийн их сургуулийг төгссөн.

290 дуучнаас гадна "NOITON" брэнд болон "YASHA"  хувцасны брэндийн бүтээгдэхүүнийг үйлдвэрлэгч, продюсер ба зураг зурж, mix mastering хийдэг. Мөн тэрбээр "HAR MAF HARGIS HUCHIRHIILEL RECORDS"-н артист бөгөөд "MOTR" болон Bodikhuu-гийн “1vs100” бүлэгт багтаж, дуугаа бичүүлж “Playtime festival”-д дуулдаг байсан.

Тэрбээр уран бүтээлчийн хувиар анхны цомгоо хийж дуусгасан. “YASHA” бүлгийн анхны бичлэгтэй цацагдсан дуу бол 290, TUUG18 & COZYSLASHCLOT нарын хамтарсан “GATGAR NOGUIERA” юм. Youtube хуудсандаа цомгийнхоо анхны дууг таван жилийн өмнө “GOODNIGHT CITY” гэх  дуугаараа сонсогчдодоо хүргэсэн. Тухайн дуу нь 2,5 сая үзэлттэй  ажээ.

• Youtube хуудас- 93,1k subscribers 49 videos
• Instagram хуудас- 54,7k followers 735 following
• Soundcloud хуудас-40k followers 19 following

Г.ХОНГОРЗУЛ