Дуучин С.Баттулга Монгол Улсын Урлагийн гавьяат зүтгэлтэн цол хүртлээ.

         Тэрбээр "Монголын урлагт насаараа зүтгэсэн тэнгэр буурал аав минь харж байгаа байх. Олон удаа гавьяатад тодорхойлогдож байсан ч энэхүү алдрыг хүртэж амжаагүй. Тиймээс аавын минь алдар надад ирлээ гэж талархан хүндэтгэж, бэлэгшээж байна. Ээж минь Хөдөлмөрийн гавьяаны улаан тугийн одонт Ч.Лхагваахүү гэж сайхан буурал бий. Манайх гурван үеэрээ мэргэжлийн урлагийн салбарт зүтгэж байгаа уран бүтээлчид. 1999 онд тухайн үеийн сонгодог урлагийн академик театрт найрал дуучнаар орж их урлагт хөл тавьж байснаас хойш 25 жил тасралтгүй зүтгэсэн байна. Нийт хамт олон, хамтран зүтгэгчид, найзууд, эрдэмтэн багш нар, ангийн нөхөд, гэр бүлийнхэндээ талархлаа. Мөн урлагийн салбарт цаг наргүй зүтгэхэд үргэлж ойлгож, дэмжиж, уучилж, ухааруулж, урамшуулдаг хүн бүрт баярлалаа. Би мэргэжлийн урлагийн салбарт ажиллахаас гадна нийтийн дууны уран бүтээл ч туурвисан. Бие даасан нийт 15 тоглолт, "Voice" группын ахлагч, продюсераар ажиллаж эх орондоо болон хилийн чанадад олон тоглолт хийж байсан. Мөн уран бүтээлийн хамтрагч болох Б.Ганчимэг гавьяаттайгаа хамтраад арав гаруй тоглолт хийсэн байдаг. Бие даасан болон хамтарсан 6 цомог, нийтдээ 40 гаруй уран бүтээлийн тоглолт хийсэн. Өөрийн дуулж туурвисан 200 гаруй уран бүтээл байдаг юм байна. Нийт хамт олондоо, Улсын филармоны үе үеийн удирдлагууд, уран бүтээлч, ажилтан, албан хаагчдад, соёл урлагийн салбарын алдартан гавьяатнууддаа чин сэтгэлээсээ талархаж байна. Монголын соёл урлагийн төлөө ижий, аав шиг ээ сэтгэж, зүтгэсээр байх болно. Үзэг, сонсогчдодоо баярлалаа, нутаг усныхандаа баярлалаа" гэв.