МУСТА, дуучин С.Баттулга МУГЖ цол хүртэхээр болжээ. Түүнийг бид "Зүрхний уяа", "Миний эх орон", "Хамаг бүхэн сайхан болно" зэрэг дуугаар нь мэдэх билээ. Архангай аймгийн Их тамир сумын уугуул тэрбээр арван жилийн сургуулиа төгсөөд Хөгжим бүжгийн коллежийн дуулаачийн ангийг төгсжээ. 1998 оноос Дуурь бүжгийн эрдмийн театрт дуучин, FМ радио 104.5-д хөтлөгч, Улсын филирмонид гоцлол дуучнаар ажилласан байна. Оюутан байхдаа МУГЖ Д.Бандийн нэрэмжит Орос романс дуулаачдын уралдаанд орж түрүүлсэн байдаг.