БНСУ-ын алдарт BTS хамтлагийн гишүүн Жин өнөөдөр цэргээс халагдаж байна. Тэрбээр цэргээс халагдсан даруйдаа зургадугаар сарын 13-нд тохиох BTS хамтлагийн 11 жилийн ойн баярын арга хэмжээнд оролцоно гэдгээ мэдэгдсэн билээ.

         Тэрбээр 1992 оны арванхоёрдугаар сарын 4-нд төрсөн, жинхэнэ нэр нь Ким Согжин. Хамтлагийнхаа хамгийн ахмад гишүүн тэрбээр 179 см өндөр. Сөүл хотын "Конкук" их сургуулийг жүжигчин мэргэжлээр төгссөн. Жин дунд сургуульд байхдаа “SM” энтертайнментаас санал хүлээн авсан ч луйвар байж магадгүй гэж бодоод татгалзаж байжээ. Мөн "Big Hit" энтертайнментад жүжигчин болохоор элссэн ч BTS хамтлагийн гишүүн болсон байна.

   Ким Согжин 2016 онд "Awake", 2018 онд "Epiphany" болон 2020 онд "Moon" нэртэй гурван дуугаа BTS хамтлагийн цомогт багтааж байсан билээ. Эдгээр дуунууд бүгд Өмнөд Солонгосын Gaon Digital Chart-д бичигджээ. 2019 онд Жин анхны бие даасан "Tonight" дижитал дуугаа гаргасан бол 2022 оны аравдугаар сард цэрэгт татагдахаасаа өмнө  "The Astronaut" дуугаа гаргасан билээ.

Мөн Жин 2021 онд арми нартаа зориулж "Super Tuna" хэмээх хөгжилтэй, хөнгөн утгатай дуугаа гаргасан билээ. Тус уран бүтээл нь богино хугацаанд Tiktok дээр тренд болж байсан юм.

Ким Согжиний талаарх зарим сонирхолтой баримтууд

• Түүний хоч нь Fake Maknae, Worldwide Beautiful, Eat Jin
• Жин дунд сургуулийнхаа жил Австралид солилцооны оюутан байсан.
• “Queen Seondeok” киног үзээд жүжигчин болохыг хүссэн
• Тэр гадаад төрх, ялангуяа уруул, өргөн мөрөндөө маш итгэлтэй байдаг.
• Жинийн худалдаж авсан анхны цомог нь Girls’ Generation хамтлагийнх байсан.
• Жин гитар, төгөлдөр хуур тоглож чадна
• Түүний зурсан BT21-ийн дүрийг RJ гэдэг. Мөн түүнд хамгийн өндөр RJ фигүр байгаа.

Жиний онцлох таван уран бүтээл

"Epiphany"

“Abyss”

"Moon"

"Awake"

"The Astronaut"