Монгол Улсад орчин цагийн музей байгуулагдсаны 100 жилийн ойг энэ онд тэмдэглэн өнгөрүүлнэ. Энэ хүрээнд Соёлын яамны дэмжлэгтэйгээр “Монголын музей 100 жил” эрдэм шинжилгээний хурлыг ирэх тавдугаар сарын 20-ны өдөр зохион байгуулж, орчин цагийн музейн түүх, хөгжлийн талаар хэлэлцэхээр болжээ.

                     Хуралд оролцох мэдүүлгийг тавдугаар сарын 6-ны дотор Чингис хаан Үндэсний музейн Эрдэм шинжилгээ, судалгааны хэлтсийн [email protected] цахим хаягаар хүлээн  авах бөгөөд оролцогч мэдүүлэгт овог нэр, эрдмийн зэрэг, цол ажлын газар, цахим шуудан, утасны дугаар, илтгэлийн сэдэв зэрэг мэдээлэл хавсарган илгээх юм байна.

Хурлын үндсэн чиглэл:

• Монголын музейн түүх
• Музейн хадгалалт хамгаалалт, аюулгүй байдлын өнөөгийн байдал, шаардлага
• Музейн боловсон хүчний нөхцөл байдал, тогтвортой хөгжлийн бодлого
• Музейн хамтын ажиллагаа, гадаад харилцааны асуудал
• Музейн боловсрол, олон нийтийн харилцаа, маркетингийн чадамж, цаашдын зорилт
• Музейн үзмэр баяжуулалт, сан хөмрөгийн өнөөгийн байдал, стандарт нөхцөл гэсэн сэдвийн хүрээнд илтгэлийг хүлээн авна.

Эрдэм шинжилгээний хуралд тавигдах шаардлага:

• Эрдэм шинжилгээний өгүүлэл нь гарчиг, товч агуулга, түлхүүр үг, үндсэн бичвэр,дүгнэлт, хавсралт, ашигласан бүтээлийн жагсаалт гэсэн бүтэцтэй байна.
• Гарчиг нь өгүүллийн гол санааг агуулсан, товч тодорхой оновчтой байна.
• Түлхүүр үг нь өгүүллийн утгыг илэрхийлэх 6-8 үгэнд багтсан байна.
• Товч агуулга нь судалгааны ажлын гол утга санааг товч тодорхой, ойлгомжтой байдлаар өгүүлсэн байна.
• Өгүүллийн дээд хэмжээ 2 хэвлэлийн хуудас байна.

Техникийн  шаардлага:

• Үсгийн фонд: Times new roman, үсгийн хэмжээ нь өгүүлэл 11, эшлэл, зүүлт 9 мөр хоорондын 1.15
• Догол мөр: 5 нэгж
• Эшлэл зүүлт: Harvard format citation https://www.mendeley.com/guides/harvard-citation-guide
• Гэрэл зураг: JPEG, TIFF (300 DPI-аас дээш) файлаар өгөх

Мэдүүлэг авах хуудас:

• Овог нэр
• Ажлын газар
• Албан тушаал
• Эрдмийн зэрэг, цол
• Цахим шуудан
• Утасны дугаар
• Илтгэлийн сэдэв (Монгол, англи хэлээр)
• Түлхүүр үг 5-7 (Монгол, англи хэлээр
• Илтгэлийн хураангуй (400-500 үгтэй, монгол англи хэлээр, word болон PDF хэлбэрээр)

Илтгэлийн сэдэвт орсон талаарх мэдээллийг тавдугаар сарын 10-ны дотор илтгэгчдэд хариу хүргүүлэх бөгөөд, 91100722 утсаар холбогдож дэлгэрэнгүй мэдээлэл авах боломжтой аж.