Б.Ихэрсувд “Авьяаслаг монголчууд” шоунд оролцож, шүүгчдээс өндөр үнэлгээ авснаар анх олонд танигдаж эхэлжээ. Ахлах сургуульдаа гитар тоглож сурсан тэрбээр орос, англи хэлээр чөлөөтэй ярьдаг. Их сургуулиа сэтгэл зүйч мэргэжлээр төгссөнийхөө дараа “The Voice of Mongolia” шоуны гуравдугаар улиралд оролцож, өөрийнхөө авьяас чадварыг дахин нэг харуулж байсан билээ.

        Тэрбээр "Le Flaners" инди хамтлагийн гоцлол дуучин байсан бөгөөд "Street Thoughts" хэмээн дуу гаргаж байжээ. Уран бүтээлийнхээ үг, аяыг өөрөө зохиодог авьяаслаг түүний анхны уран бүтээл нь “Get up” бөгөөд өдгөө youtube хуудаснаа  217 мянган хандалттай байгаа.  Анхны уран бүтээлээ гаргахаасаа өмнө реппер Эбо-той хамтран “Хэцүү байна” дууг шинэчлэн дуулж, сонсогчдодоо хүргэсэн юм.

        Тэрбээр өнгөрсөн онд таван дуутай цомог гаргаж, сонсогчдодоо хүргэсэн билээ. Энэхүү цомгийн дуугаа Б.Ихэрсувд Тайланд Улсад амьдарч байхдаа зохиосон бөгөөд тухайн арлаас авсан мэдрэмжээрээ зохиожээ. Эргэлт.мн сайтад өгсөн ярилцлагадаа  “ Дуу хөгжим надад орчлон ертөнцөөс тасарч, хийсвэр ертөнцөд очоод хөвж байгаа юм шиг сэтгэлд тухтай, жаргалтай мэдрэмж өгдөг. Тийм ч учраас уран бүтээл бүртээ хайр шингээж бүтээдэг” гэжээ

Ингээд залуу уран бүтээлч Б.Ихэрсувдын онцлох таван дууг хүргэж байна.

Twinpearly - Get Up

Twinpearly - Love Isn't It ft. Sejo San

Twinpearly - Arai Arai

Twinpearly - Chemistry ft. Sejo San

Twinpearly - Fire