"Тэнгисийн эрэг дээрх 24/7" шоуг “Централ” телевиз бэлтгэн хүргэж буй. Шоуны үйл явдал Солонгосын алдарт реалити шоу болох “Singles inferno”-ын Монгол хувилбар юм. Оролцогчид тэнгисийн эрэг дээр гурван долоо хоногийн 24 цагийн турш сонирхолтой даалгавруудыг биелүүлж, бие биесээ таньж мэдэх бөгөөд жинхэнэ хайраа олох болно. Харин нэвтрүүлгийн зураг авалт Тайланд Улсын "Ко Самуй" арал дээр хийгдсэн билээ.

Тус нэвтрүүлгийн V дугаар дээр оролцогч А.Чинхүслэн, Б.Энхзаяа нар хасагдаж, дуучин М.Намуун, Э.Баттамир, Б.Бүжинлхам нар шинээр нэмэгдсэн. Бид энэ удаад Э.Баттамир буюу Тамиг танилцуулж байна.

Түүнийг найзууд нь Тами гэж дууддаг. 1992 онд Улаанбаатар хотод төрсөн.  Тэрбээр 2010-2015 онд ОХУ-ын Петербург хотноо дулааны цахилгаан станцын мэргэжлээр бакалавр, магистрын зэргээ амжилттай хамгаалсан. Үүний дараа БНХАУ-ын Бээжин хотын Зам, харилцааны их сургуульд эрчим хүчний зах зээл мэргэжлээр мөн магистраар сурсан байдаг.

   Сагсан бөмбөгийн тамирчин байсан. VII ангийн сурагч байхаасаа эхлэн тасралтгүй 16 жил уг спортоор хичээллэсэн гэнэ. Одоо “Хомоно комикс" студийн үүсгэн байгуулагч, гүйцэтгэх захирлаар ажилдаг. Мөн тэрбээр HONMONO TV юүтүб хуудсыг хөтлөн явуулдаг билээ.

Түүний инстаграм: Tamihonmono 24.1k дагагчтай

https://www.instagram.com/tamihonmono?utm_source=ig_web_button_share_sheet&igsh=ZDNlZDc0MzIxNw