Төрийн шагналт, СГЗ зохиолч Ц.Доржготовын өгүүллэг, туужийг  “Х түц” продакшн зохиолчийн зөвшөөрөлгүй хуулбарлаж,  олон нийтэд түгээсэн гэх асуудлаар шүүхэд дуудагдсан гэх мэдээлэл олон нийтэд цагдаад буй.

        Тодруулбал, түүний бичсэн “Улаан хамбан дээлт ба дэлхий даахгүй баян” өгүүллэгийг МУГЖ Л.Баттулга “Дэлхий даахгүй баян”, “Х ТҮЦ” продакшн “Цагийн өнгө” өгүүллэгийг  “Базарваань” гэх контент болгож, зохиолчоос зөвшөөрөл авалгүй олон нийтэд түгээсэн хэмээн гомдол гаргажээ. Улмаар СГЗ, зохиолч Ц.Доржготов бүтэээлийг нь  зөвшөөрөлгүй ашигласан талаар харъяа дүүргийн шүүх болон Оюуны өмчийн газарт хандсан байна. Иймд МУГЖ И.Одончимэг, Н.Онон нарыг шүүхэд дуудсан хэмээн мэдэгдээ байна. Бид энэ талаар "Х Түц" продакшны жүжигчин, МУГЖ И.Одончимэгээс тодрууллаа.

          Тэрбээр “Биднийг цагдаагийн газраас дуудаагүй. Манай хамтлаг Зохиогчийн эрхийн тухай хууль зөрчөөгүй. Шүүхээс биднийг дуудсан зүйл алга” гэлээ.