Цасанд дуртай хүнээс хэзээ ч "Чи яагаад цасанд дуртай юм бэ" гэж асууж болохгүй. Цасанд дургүй хүн тэдний хувьд Гринч л гэсэн үг. Учир нь...

1.      Цас бол тэдний хувьд үлгэрийн орон

Цасны цагаан өнгө л гэхэд сэтгэлийг тайвшруулах шидтэй. Дөнгөж сэрэхэд нь л хот цасанд дарагдчихсан байх нь яг л үлгэрийн оронд ирчихсэн мэт мэдрэмж төрүүлнэ. Цагаахан ширхэгүүд тэнгэрээс буух нь яг л ид шид шиг.

2.      Яг л кино кадр шиг

Та цаснаар алхаж явахдаа өөрийгөө киноны гол дүр мэт, эсвэл дуу сонсонгоо алхахдаа клипэнд тоглож буй мэт төсөөлж л байсан биз дээ. Яг л аль нэг киноны кадрт ороод ирчихсэн мэт. Тэр тусмаа шөнийн гэрэлд цас орох нь хорвоо ертөнцийг улам үзэсгэлэнтэй болгодог билээ.

3.      Гоё үнэртэй

Шинэхэн цасны тансагхан үнэрийг юутай ч зүйрлэмгүй мэт. Цэнгэг, зөөлөн атлаа хацар дээр буунгуутаа хайлах нь хүртэл цаанаа л “дулаахан” мэдрэмж өгдөг.

4.      Шинэхэн

Цас шинэхэн болохоор л бидний сэтгэлд илүү хайр татам, нандин санагддаг байх даа.

5.      Бас бяцхан

Цасны ширхгийг харах дуртай л биз дээ. Эмзэгхэн, бяцхан цасны ширхгийг хайлахаас нь өмнө харах бас л гоё мэдрэмж шүү.

6.      Шинэ жилийг санагдуулам

Цас, шинэ жил гэдэг үг яг л нэг үг шиг. Зарим хүний хувьд "Цасанд дуртай юу, шинэ жилд дуртай юу" гэж асуух нь "Ээждээ хайртай юу, аавдаа хайртай юу" гэж асуухтай л адил.

7.      Стресс тайлна

Зөвхөн стресс ч биш тэр сэтгэлийг тэр чигт нь ахуйн жижиг зүйлсээс, аливаа бараан бодлоос чөлөөлдөг шидтэй. 

8.   Дурсамж шиг

Халуун кофегоо гартаа бариад, цонхоор будран орох цасыг ширтэн дурсамжаа "уудлах" үед эрхгүй инээмсэглэл тодроод л ирдэг.

9.      Гэхдээ л бид гэрээсээ гарч болохгүй

Ингэж бодохоор л цонхоор хараад, хуучны киногоо үзээд, хөнжлөө нөмрөөд эмороод суумаар санагдаж байгаа юм даа. Цас орох болгонд догдолдог хүмүүс ид шидэнд итгэдэг бяцхан сахиусан тэнгэрүүд юм. Хамгийн чухал нь энэ өдрүүдэд цас орж, хүйтрэхийг олон сая хүн хүлээж байгаа. Учир нь, өнөөх муу коронавирус чинь хүйтэнд тэсвэргүй. Ийм учраас цасыг, цастай хамт ирдэг жаврыг хүн бүхэн өмнөхөөсөө илүүтэйгээр хайрлан, хүсэж байна.