Энэхүү цомогт Монголын театр урлагийн алтан үеийнхний түүхийг өгүүлэх олон сонирхолтой гэрэл зураг урлаг байгаагаараа онцлог байна. Ном бичиж, хэвлүүлэх санаачилгыг Гавьяат жүжигчин А.Цэрэндэндэвийн төрсөн дүүгийн охин Д.Энхчимэг болон УДБЭТ-ын захирал, Гавьяат жүжигчин, дуучин Ц.Түвшинтөгс нар гарган дэмжлэг үзүүлж,  сэтгүүлч Чимэд-Осорын Болд эмхэтгэжээ. 

   Номын нээлтэд “Учиртай гурван толгой” дуурийг бичсэн агуу Ардын жүжигчин, Төрийн хошой шагналт Билэгийн Дамдинсүрэнгийн зээ хүү, Халхын сайхан Юндэнгийн алтан партнёр БНМАУ-ын гавьяат жүжигчин Ө.Рэнцэнноровын зээ охин Алимаа, Монгол Улсын Ардын жүжигчин, Хөдөлмөрийн баатар Л.Цогзолмаагийн хүү Намсрайн.Ганхуяг зэрэг алтан үеийн нэрт уран бүтээлчдийн үр хүүхдүүдийг урьжээ.