Монголын зохиолчдын эвлэлээс жил бүр уламжлал болгон зохион байгуулдаг "Болор цом" наадмын бүртгэл эхэлжээ. Энэ жил тус наадмыг Чингис хааны мэндэлсэн 860 жилийн ойг тохиолдуулан Хэнтий аймагт зохион байгуулахаар болжээ. Харин наадам болох хугацааг одоогоор товлоогүй байгаа аж. Тус уралдаанд оролцох хүсэлтэй найрагчид энэ онд бичсэн, ном хэвлэл, цахим орчинд нийтлүүлээгүй хоёр шүлгээ ирүүлэх байна. Ингэхдээ нэг бүтээл нь эзэн Чингис хааны суу алдар, үйлс бүтээлийг алдаршуулан дуулсан утга агуулга бүхий байх юм байна. Найрагчид энэ сарын 18-н хүртэл Монголын зохиолчдын эвлэлийн и-мэйл хаягаар илгээх боломжтой байна.

  "Болор цом" наадмыг Хөдөлмөрийн баатар, Ардын уран зохиолч Д.Пүрэвдоржийн агсны санаачилгаар 1983 оны арванхоёрдугаар сараас зохион байгуулж эхэлсэн байдаг.