“Өргөө” кинотеатрын дэлгэцнээ ирэх сарын 16-наас эхлэн “Аватар-1” дахин гарахаар болжээ. Шинжлэх ухааны хүүрнэл зохиолт бүхий энэхүү кино нь анх 2009 онд бүтээгдсэн юм. Кино зохиолыг нь АНУ-ын  найруулагч Жэймс Камерон бичиж, найруулсан байдаг. 1994 онд тэрбээр зохиолынхоо санааг олж, улмаар 80 хуудастай кино зохиолыг бичсэн түүхтэй.

    Тус киноны албан ёсны төсөв хөрөнгө 237 сая доллар байна. Анх 2009 оны арванхоёрдугаар сарын 10-нд Английн Лондон хотод, тус оны  арванхоёрдугаар сарын 16-нд дэлхийд нээлтээ хийсэн юм. “Аватар” кино Оскарын шагналын шилдэг бүтээл,  шилдэг найруулагч гэх зэрэг есөн номинацид нэр дэвшиж, шилдэг зураг авалт, шилдэг визуаль эффикт болон шилдэг санаа зэрэг номинациар Оскарын шагнал хүртсэн юм.